அதிபரின் வாழ்த்துச் செய்தி

 

எதிர்கால சமூகத்திற்கான நற்பிரஜைகளை உருவாக்கிடுவதில் பெரும்பங்காற்றும் எமது பாடசாலையின் திறன்மிகு மாணவர்களின் கல்வி மற்றும் விளையாட்டு உள்ளிட்ட கல்வி சாராத சாதனைகளினையும், அவர்கள் பற்றிய விபரங்களையும் உத்தியோகபுர்வமாக அனைவரும் பெற்றிடுவதற்கு எமது இந்த இணையத்தளம் வழிசெய்யும் என நம்புகின்றேன்.

தற்போதைய காலகட்டத்தில் நாம் ஒரு புதிய சகாப்தத்தை நோக்கி வேகமாக சென்று கொண்டிருக்கிறோம். அந்தவகையில் பெற்றோர்களும், இலங்கை மற்றும் வெளிநாடுகளில் வசிக்கும்  பழைய மாணவர்களும் தற்போது இப்பாடசாலையின் விடயங்களில் மிகுந்த அக்கறையுடன் செயற்பட்டு வருகின்றனர். வளர்ச்சிப் பணிகளில் எங்களுக்கு உதவ முன்வந்துள்ளனர். எனவே அவர்களின் உதவியைப் பெறுவதற்கு உடனடி மற்றும் புதுப்பிக்கப்பட்ட தகவல்களை அவர்களுக்கு வழங்க நாங்கள் கடமைப்பட்டுள்ளோம். மேலும்  எமது பாடசாலையின் சாதனைகளையும், நினைவுகளையும் பதிவு செய்யவும் பாதுகாக்கவும் ஏற்ற ஊடகமாகவும் இத்தளம் எதிர்காலத்தில் அமையும்.

Mr. H.றபாய்தீன்

அதிபர்